ஏதும் செய்வதறியாது சிறுவனவன்
கைதனை வீச குறிதவறி
வானத்தை கிழித்தது மின்னல்.
தானே முன்வந்து தொகுதி எம்.எல்.ஏ.
தங்கள் குறைகளனைத்தும் கேட்பதை
சந்தேகத்தோடு மக்கள் நோக்க
வானத்திலும் எங்கோ இடித்தது.
சிலக் குடைகள் தங்கள்
பாத்திரமறிந்துப் பங்காற்ற
பலக் குடைகளை திருப்பிமடக்கி
பாத்திரமாகவே ஆக்கியது பெருங்காற்று.
வானத்தையே மூடிவிடுமளவு
வருகிறது கோபம்.
முடியாது போய் பிளாஸ்டிக் விரிப்பால்
மூடிவிடுகிறான் பிளாட்பார வியாபாரி
தன் பழக்கடையை.
மழையை ரசித்தவாறு
எதிரே வந்துக்கொண்டிருந்தவள்
திடீரென அலைபேசியில்
யாரையோ அழைக்க ஆரம்பித்தாள்.
ஓயாமல் பேசும் தோழி
ஒருவேளை நினைவிற்கு வந்திருக்கலாம்.
பிளாட்பாரவாசிகளுக்கு அன்று
படுக்க கிடைத்தது பக்கத்து
''பள்ளி''யறை .
கருத்துகள் இல்லை:
கருத்துரையிடுக