இது வேறொன்றுமில்லை....

இது வேறொன்றுமில்லை.
பேசித் தீர்த்தப் பின்
பேசாமல் தீர்த்துக் கொள்வது.

இது வேறொன்றுமில்லை.
அணைத்தலை விரும்பும்
அணையாத நெருப்பு

இது வேறொன்றுமில்லை.
எதனிடையும் நுழையும்
காற்றுக்கான சவால்.

இது வேறொன்றுமில்லை.
இலையில் விழுந்த
மழையின் துளி
அதன் நரம்பில் பயணித்தல்.

இது வேறொன்றுமில்லை.
மந்திரப் பாயில்
அந்தரப் பயணம்.

இது வேறொன்றுமில்லை
மண்ணில்
மானுடப் பயிர் செழிக்க
மறுக்க இயலா
மெத்தை விவசாயம்.

இது வேறொன்றுமில்லை.
தூண்டிலில் சிக்கியப் பின்
நீந்த துவங்குவது.


இது வேறொன்றுமில்லை.
கரை ஏறியப் பின்
குளிக்கச் செல்வது.